Ամանորեան Մտքեր
Դեկտեմբեր 2011, Թեհրան
Իրարամերժ իրականութիւնների ու հակասական երեւոյթների ներդաշնակ հերթաւորումն է կարծես մարդկային սահմանափակ կեանքը... Հին տարին՝ իր վախճանական տխուր օրերն է ապրում, մինչ Նորը՝ պատրաստւում է իր սկզբնական օրերի մեկնարկման խնջոյքներին մասնակցելու:
Եւ այսպէս, անընդմէջ մէկը միւսին են փոխարինում մեր կեանքի տարիները նոյն յաճախականութեամբ, բայց ոչ նոյն ձեւակերպումով:
Եւ այսպէս, ամեն անգամ նոր տարին թեւակոխելով, մեր հետին ենք թողնում՝ հինը, փորձելով մոռանալ դառնութիւններն ու վերյիշել քաղցր պահերը:
Եւ այսպէս՝ նոր-հին, ուրախ-տխուր, լաւ-վատ, քաղցր-դառն, հեռու-մօտիկ ածականներով համեմւած առաջ է շարժւում մեր կեանքի առագաստանաւը՝ ապահով ափեր փնտռելով, եւ իր նաւաստու յուսալից աչքերը հորզոնին յառած...
Եւ այսպէս՝ ամեն տարւայ աւարտին սրտաբուխ խօսքեր ենք ուղղում մէկս միւսին՝ չարի կործանման ու բարիի կայացման բարեմաղթանքներով: Խօսքեր որոնք կրկնւում են ամեն անգամ: Կրկնւում, սակայն չեն հնանում ու չեն կորցնում իրենց ընկերական բարութեամբ տոգորւած քաղցրութիւնն ու եղբայրական գօտեպնդիչ բնոյթը: Չեն հնանում, քանի որ տարիների երթին առընթեր բազմանում է մարդուս փորձառութիւնների պաշարն ու նա աւելիով է գիտակցում ընկերական ազնիւ միջավայրի գոյութեան հրամայականին: Ճղջիմ տրամաբանութիւնների ու ճարտարաւեստական այս լուրջ օրերին աւելի քան երբէք կարիքն է զգացւում ազնիւ միասականութեամբ համալրւած ուժերի ներկայութեանն ու դրա միակամ դրսեւորմանը...
Չմոռանանք որ՝
Ունենք արդար դատ հետապնդելու,
Ազնիւ ժողովուրդ ծառայելու,
եւ Սրբազան պարտք յաջողութեամբ պսակելու...
Ամանորեան այս բարեպաստիկ օրերին երբ վերանորոգւում են բարեկամութիւններն ու Քրիստոսի Աստւածային շնչով վերանում թիւրիմացութիւնները, ընդունեցէք խնդրեմ ազնիւ ու շնորհապարտ շնորհակալութիւններս՝ մեր սիրասուն ժողովրդին ու նրա արդար դատին կատարած Ձեր ծառայութիւնների համար, իսկ ապագայ օրերի հաշւին լաւագոյն բարեմաղթանքներս՝ սկսած ճամբան յաջողութեամբ ու հպարտութեամբ շարունակելու յոյսով:
Քրիստոնէական ամենաբարի կամք Ձեզ,
Հայկական անխախտելի քայլք Ձեզ,
Վահագնեան հզոր խոյանք Ձեզ, որ յաղթէ'ք չարին ու կերտէ'ք բարին...
Եւ այսպէս, անընդմէջ մէկը միւսին են փոխարինում մեր կեանքի տարիները նոյն յաճախականութեամբ, բայց ոչ նոյն ձեւակերպումով:
Եւ այսպէս, ամեն անգամ նոր տարին թեւակոխելով, մեր հետին ենք թողնում՝ հինը, փորձելով մոռանալ դառնութիւններն ու վերյիշել քաղցր պահերը:
Եւ այսպէս՝ նոր-հին, ուրախ-տխուր, լաւ-վատ, քաղցր-դառն, հեռու-մօտիկ ածականներով համեմւած առաջ է շարժւում մեր կեանքի առագաստանաւը՝ ապահով ափեր փնտռելով, եւ իր նաւաստու յուսալից աչքերը հորզոնին յառած...
Եւ այսպէս՝ ամեն տարւայ աւարտին սրտաբուխ խօսքեր ենք ուղղում մէկս միւսին՝ չարի կործանման ու բարիի կայացման բարեմաղթանքներով: Խօսքեր որոնք կրկնւում են ամեն անգամ: Կրկնւում, սակայն չեն հնանում ու չեն կորցնում իրենց ընկերական բարութեամբ տոգորւած քաղցրութիւնն ու եղբայրական գօտեպնդիչ բնոյթը: Չեն հնանում, քանի որ տարիների երթին առընթեր բազմանում է մարդուս փորձառութիւնների պաշարն ու նա աւելիով է գիտակցում ընկերական ազնիւ միջավայրի գոյութեան հրամայականին: Ճղջիմ տրամաբանութիւնների ու ճարտարաւեստական այս լուրջ օրերին աւելի քան երբէք կարիքն է զգացւում ազնիւ միասականութեամբ համալրւած ուժերի ներկայութեանն ու դրա միակամ դրսեւորմանը...
Չմոռանանք որ՝
Ունենք արդար դատ հետապնդելու,
Ազնիւ ժողովուրդ ծառայելու,
եւ Սրբազան պարտք յաջողութեամբ պսակելու...
Ամանորեան այս բարեպաստիկ օրերին երբ վերանորոգւում են բարեկամութիւններն ու Քրիստոսի Աստւածային շնչով վերանում թիւրիմացութիւնները, ընդունեցէք խնդրեմ ազնիւ ու շնորհապարտ շնորհակալութիւններս՝ մեր սիրասուն ժողովրդին ու նրա արդար դատին կատարած Ձեր ծառայութիւնների համար, իսկ ապագայ օրերի հաշւին լաւագոյն բարեմաղթանքներս՝ սկսած ճամբան յաջողութեամբ ու հպարտութեամբ շարունակելու յոյսով:
Քրիստոնէական ամենաբարի կամք Ձեզ,
Հայկական անխախտելի քայլք Ձեզ,
Վահագնեան հզոր խոյանք Ձեզ, որ յաղթէ'ք չարին ու կերտէ'ք բարին...
Եղբայրական ջերմ շնորհաւորանքներով՝
Գէորգ Վարդան եւ Ռոբերթ Բէգլարեան
Իրանահայութեան Պատգամաւորներ
Իրանի Իսլամական Խորհրդարանում
Գէորգ Վարդան եւ Ռոբերթ Բէգլարեան
Իրանահայութեան Պատգամաւորներ
Իրանի Իսլամական Խորհրդարանում
